სპარსეთის ყურეში, ირანის ხარგის კუნძულის სიახლოვეს, სადაც ქვეყნის ერთ-ერთი მთავარი ნავთობტერმინალია განთავსებული, აფეთქებების ხმა ისმოდა. აფეთქებების მიზეზი ჯერჯერობით დაუდგენელია.
ამის შესახებ Reuters ირანის სააგენტო Fars-ზე დაყრდნობით წერს.
Fars-ის ინფორმაციით, აფეთქებების ხმა კუნძულის მხრიდან ყურეში ისმოდა, თუმცა მას კვამლის ნიშნები არ დაუფიქსირებია.
ირანის ხელისუფლებასთან დაკავშირებულმა სააგენტო Nournews-მა ადგილობრივ წყაროებზე დაყრდნობით გაავრცელა დაუდასტურებელი ინფორმაცია ხარგის სიახლოვეს ირანულ ტანკერზე შესაძლო თავდასხმის შესახებ. გავრცელებული ვერსიით, გემს ამერიკულმა ძალებმა რაკეტა ესროლეს.
ინფორმაციის გავრცელების მომენტისთვის ირანის ხელისუფლებას მომხდართან დაკავშირებით ოფიციალური კომენტარი არ გაუკეთებია. ტანკერზე თავდასხმის შესახებ ინფორმაცია დადასტურებული არ არის.
ხარგის კუნძული ირანის ნავთობის ექსპორტისთვის უმნიშვნელოვანესი ტერმინალია. მასზე ქვეყნის ნავთობის ექსპორტის თითქმის მთელი ინფრასტრუქტურაა კონცენტრირებული და ტერმინალს დღეში დაახლოებით 7 მილიონი ბარელი ნავთობის დატვირთვა შეუძლია.
Reuters-ის ინფორმაციით, ხარგზე ირანის ნავთობის ექსპორტის დაახლოებით 90% მოდის.
