აშშ-ის პრეზიდენტმა დონალდ ტრამპმა განაცხადა, რომ თუ ირანი აშშ-ის ბოლო თავდასხმას უპასუხებს, ვაშინგტონი თეირანს „ბევრად უფრო ძლიერ და მასშტაბურ“ დარტყმას მიაყენებს.
ტრამპის თქმით, აშშ ამჟამად ჰორმუზის სრუტის მიმდებარე ტერიტორიაზე ირანის სამიზნეებს უტევს. მისი განცხადებით, დარტყმები პასუხია ირანის მცდელობაზე, სრუტეში საზღვაო ნაღმები განეთავსებინა, ასევე იორდანიაში ამერიკულ სამხედრო ბაზაზე რვა რაკეტით განხორციელებულ იერიშზე.
„ამ წუთებში შეერთებული შტატები ჰორმუზის სრუტის მახლობლად ირანის სამიზნეებს უტევს. დარტყმები მასშტაბური და ძლიერია და წარმოადგენს პასუხს ირანელების წარუმატებელ მცდელობაზე, სრუტეში საზღვაო ნაღმები განეთავსებინათ, სადაც ამჟამად ნაღმები აღარ არის - ისინი სრულად ამოიღეს ან გაანადგურეს. ასევე, ეს არის პასუხი ირანის მიერ იორდანიაში ჩვენს სამხედრო ბაზაზე რვა რაკეტის გასროლაზე, რომლებიც ყველა წარმატებით იქნა ჩამოგდებული.
თუ წარუმატებელი ირანი ამ სრულიად გამართლებულ თავდასხმას უპასუხებს, მას კვლავ დავარტყამთ - ბევრად უფრო ძლიერი და მასშტაბური დარტყმით. თუმცა, ეს არ იქნება ყველაზე ძლიერი დარტყმა. ყველაზე ძლიერი დარტყმა ჯერ კიდევ წინ არის და როდესაც ის დასრულდება, ირანის ისლამური რესპუბლიკისგან ძალიან ცოტა რამ დარჩება!“ - წერს ტრამპი.
