ნორვეგიის მეფე ჰარალდ მეხუთე 89 წლის ასაკში გარდაიცვალა. მონარქი პარასკევს, 28 აგვისტოს, ადგილობრივი დროით 06:35 საათზე, ოსლოს ეროვნულ ჰოსპიტალში გარდაიცვალა, სადაც გასულ კვირას სისხლის იშვიათი დაავადების გამო გადაიყვანეს. ამის შესახებ სამეფო სასახლემ განაცხადა.
ჰარალდ V-ის სიცოცხლის ბოლო საათებში მის გვერდით ოჯახის წევრები იმყოფრბოდნენ. ოსლოში, სამეფო სასახლესთან, მოქალაქეებს გარდაცვლილი მონარქის პატივსაცემად ყვავილები მიაქვთ.
ჰარალდ V ნორვეგიის მეფე 1991 წლიდან იყო და ევროპის ყველაზე ხანდაზმული მოქმედი მონარქი გახლდათ. მისი გარდაცვალების შემდეგ ტახტს მისი ერთადერთი ვაჟი, კრონპრინცი ჰოკონი, დაიკავებს და მეფე ჰოკონ VIII გახდება.
