საფრანგეთის სამხრეთში ძლიერი ტორნადოს შედეგად 41 ადამიანი დაშავდა. მედიის ცნობით, სტიქიამ ზიანი მიაყენა საცხოვრებელ სახლებს და წააქცია ხეები, რამაც რეგიონში სატრანსპორტო ქაოსი გამოიწვია. ელექტროენერგიის გარეშეა დარჩენილი 2 800-მდე ოჯახი.
საფრანგეთის ხელისუფლებამ ქვეყნის სამხრეთ-დასავლეთის ბევრ რაიონში შტორმის გამო ნარინჯისფერი განგაშის დონე გამოაცხადა, რასაც ელექტროენერგიის მასობრივი გათიშვა და სატრანსპორტო შეფერხებები მოჰყვა.
ტორნადომ ყველაზე ძლიერად დაახლოებით სოფელ პომასს დაარტყა. დაზიანდა დაახლოებით 300 სახლი, ზოგიერთს კი ქარმა სახურავი მთლიანად გადახადა.
15 დაშავებული საავადმყოფოში გადაიყვანეს. მათ შორის იყო ორსული ქალი, რომელიც სახლის ჩამონგრევის შედეგად დაშავდა.
