ყაზახეთში საპარლამენტო არჩევნები მიმდინარეობს.
ახალი საკანონმდებლო ორგანო მასშტაბური საკონსტიტუციო რეფორმის შედეგად, ყურულთაი - ახალი, ერთპალატიანი პარლამენტი იქნება. 145-ვე მანდატი შვიდი პოლიტიკური ძალის პარტიული სიებით გადანაწილდება. არჩევნებში დამოუკიდებელ კანდიდატებს მონაწილეობა არ შეუძლიათ, ხოლო შვიდივე მონაწილე პარტია პრეზიდენტ ყასიმ-ჟომართ თოყაევის პოლიტიკურ კურსს უჭერს მხარს.
მანდატების 5 წლით მოსაპოვებლად შვიდი პოლიტიკური პარტიის 545 კანდიდატი იბრძვის.
ყველაზე მეტი, 186 კანდიდატი პარტია „ადილეტს“ ჰყავს რეგისტრირებული. „ადილეტი“ მმართველ პარტიას წარმოადგენს, რომელმაც სახელი შეიცვალა. ივნისში, ყოფილმა მმართველმა პარტია „ამანატმა“ ახლადშექმნილ „ადილეტთან“ გაერთიანებას დაუჭირა მხარი, რომელსაც ქვეყნის პრეზიდენტის, კასიმ-ჟომარტ ტოკაევის თანაშემწეები ხელმძღვანელობენ.
12.6 მილიონზე მეტ ამომრჩეველს ხმის მიცემა კიდევ ექვსი პარტიისთვის შეუძლია, მათ შორის არიან: პარტია „რესპუბლიკა“, „სახალხო პარტია“, „აუილი“, „აკ ჟოლი“, „ბაიტაკი“ და „ეროვნული სოციალ-დემოკრატიული პარტია“.
კენჭისყრა ადგილობრივი დროით 07:00-დან 20:00 საათამდე გაგრძელდება. პირველი ოფიციალური შედეგები კი მხოლოდ შუაღამის შემდეგ გახდება ცნობილი, რადგან ამ დრომდე ეგზიტპოლების შედეგების გამოქვეყნება აკრძალულია.
