ირანის ისლამური რევოლუციის გუშაგთა კორპუსმა (IRGC) განაცხადა, რომ აშშ-ის დარტყმებზე საპასუხოდ რეგიონში ამერიკულ ბაზებზე სარაკეტო იერიშები მიიტანა და ასევე ცეცხლი გაუხსნა ოთხ ტანკერს, რომლებიც მის ნებართვის გარეშე ჰორმუზის სრუტეს გადაკვეთას ცდილობდნენ.
მედიის ცნობით, ქვეყნის საჰაერო თავდაცვა უცნობი წარმოშობის რაკეტებისა და დრონების შეტევებს იგერიებდა. ბაჰრეინში კი საჰაერო განგაში ჩაირთო და მოსახლეობას თავშესაფრებში გადასვლისკენ მოუწოდეს.
ირანის მხარის განცხადებით, ბალისტიკური რაკეტებით დარტყმები განხორციელდა აშშ-ის ბაზებზე ქუვეითსა და ბაჰრეინში, თუმცა აშშ-ის სამხედროებმა განაცხადეს, რომ ექვსი რაკეტა იქნა ჩამოგდებული, ხოლო მეშვიდემ მიზანს ვერ მიაღწია.
შეგახსენებთ, აშშ-ის ცენტრალურმა სარდლობამ (CENTCOM) განაცხადა, რომ ამერიკელმა სამხედროებმა ჰორმუზის სრუტის მიმართულებით გაშვებული ოთხი ირანული კამიკაძე-დრონი ჩამოაგდეს, რის შემდეგაც ირანის სანაპირო რადიოლოკაციურ ობიექტებზე იერიში მიიტანეს.
აშშ და ირანი ამ დროისთვის ძირითადად არაპირდაპირ მოლაპარაკებებს აწარმოებენ დროებითი შეთანხმების მისაღწევად, რომელიც მიზნად ისახავს სამი თვის განმავლობაში მიმდინარე ომის შეჩერებას, ხოლო ირანის ბირთვული პროგრამის საკითხი შემდგომი მოლაპარაკებებისთვის დარჩეს.
