უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინა ივნისის თვეში ევროკავშირის მიერ დამტკიცებულ 90 მილიარდი ევროს სესხის პირველ ტრანშს ელოდება.
ამის შესახებ ზელენსკიმ ვიდეომიმართვისას განაცხადა.
მისი თქმით, აღნიშნული თანხა გათვლილია ორწლიან პერიოდზე და „სწორედ ივნისში უნდა დაიწყოს მისი ამოქმედება უკრაინის მდგრადობის გასაძლიერებლად“.
ზელენსკის განცხადებით, ამ ეტაპზე უკრაინელი ოფიციალური პირები აქტიურად მუშაობენ ევროკომისიასთან, რათა პროცესები არ გაჭიანურდეს.
„ჩვენი შიდა მდგრადობა და ძლიერი საგარეო პოლიტიკა არის ჩვენი დაცვისა და თავდაცვის საფუძველი,“ - აღნიშნა უკრაინის პრეზიდენტმა.
