საქართველოს ტერიტორიების ოკუპაციის საკითხი შესაძლოა იაპონიის პარლამენტმა განიხილოს.
ამის შესახებ პარლამენტის ტერიტორიული მთლიანობის აღდგენის საკითხთა დროებითი კომისიის თავმჯდომარე, შოთა მალაშხიამ იაპონიის საგანგებო და სრულუფლებიან ელჩთან საქართველოში, მასაიოში კამოჰარასთან შეხვედრის შემდეგ განაცხადა.
"ჩვენ განვიხილეთ იაპონიის პარლამენტში საქართველოს ოკუპირებული ტერიტორიების საკითხის განხილვის შესაძლებლობები. ეს ეხება ისეთივე რეზოლუციების მიღებას ოკუპაციასთან დაკავშირებით, როგორიც რამდენიმე ევროპულმა ქვეყანამ, ევროკავშირმა მიიღო, ასევე რის მიღებასაც აპირებს ამერიკის კონგრესი", - აღნიშნა მალაშხიამ და აქვე დასძინა, რომ ქართული მხარეც მზადა იაპონიის ოკუპირებული კუნძულების საკითხი პარლამენტში განიხილოს.
მისივე თქმით, შეხვედრაზე იაპონიის ელჩს ასევე გააცანო ქართული მხარის მიდგომები ოკუპირებულ ტერიტორიებთან მიმართებაში.
"ეს ეხებოდა პროექტს - დოკუმენტური ფილმების გადაღებას ოკუპირებული ტერიტორიებთან დაკავშირებით, რომლშიც იაპონური მხარის ჩართვა გვინდა" - დასძინა დეპუტატმა.
