"თავისუფალი საქართველოს" ლიდერი კახა კუკავა კუდ-ის უფროსის მოადგილის სოსო თოფურიძის და ამავე უწყების სამმართველოს უფროსის ოთარ ლომინაძის დაპატიმრებას მოითხოვს.
"რამოდენიმე დღის წინ ე.წ. წლიური ანგარიშის დროს სააკაშვილმა მოითხოვა დეპუტატებისგან, დაესახელებინათ კორუმპირებული ჩინოვნიკების გვარები. სამწუხაროდ პარლამენტში არ გაეცა ამ შეკითხვას პასუხი. ჩვენ გვსურს დავუსახელოთ მიხეილ სააკაშვილს მრავალთაგან 2 ღრმად კორუმპირებული ჩინოვნიკის გვარი: სოსო თოფურიძე და ოთარ ლომინაძე", - განაცხადა კუკავამ დღეს გამართულ პრესკონფერენციაზე.
მისივე განმარტებით, "ეს 2 რეკეტიორი 3 მილიონ ევროს სძალავდა საბერძნეთის მოქალაქეს ნუგზარ ბოჭორიშვილს".
"სისხლის სამართლის მოქმედი კანონმდებლობით, მოვითხოვთ, აყვანილი იქნენ თოფურიძე და ლომინაძე წინასწარ პატიმრობაში; მივლინებულ იქნეს საგამოძიებო ჯგუფი საბერძნეთში და დაიკითხოს ნუგზარ ბოჭორიშვილი დეტალურად, გამოთქმულ ბრალდებებთან დაკავშირებით. ჩვენის მხრივ გავაგრძელებთ მონიტორინგს და ჩავატარებთ დამოუკიდებელ გამოძიებას შსს კორუმპირებული ჩინოვნიკების რეკეტიორულ საქმიანობაზე", - განმარტა მან.