საქართველო მდგრად ეკონომიკურ წინსვლას მაშინ მიაღწევს, როცა ამ სფეროს მშენებლობისას კერძო სექტორი თავისუფალი იქნება.
ასე უპასუხა ჰილარი კლინტონის სახელით აშშ-ის საგანგებო ელჩმა ქალთა მელანი ვერვეერმა ქართული არასამთავრობო ორგანიზაციის "ახალგაზრდა იურისტთა ასოციაციის" შეკითხვას, რომელიც გუშინდელ ტელეხიდისას დაისვა.
"თუ თქვენ არ გექნებათ კომბინაცია მძლავრი დემოკრატიული ინსტიტუტების, კანონის უზენაესობის, დემოკრატიული მმართველობის, თავისუფალი სამოქალაქო საზოგადოებისა და არ ააშენებთ ისეთ ეკონომიკას, რომელშიც კერძო სექტორი თავისუფლად იქნება ჩართული, თქვენ ვერ გექნებათ მდგრადი ეკონომიკური წინსვლა, რისი ხილვაც ჩვენ ასე გვსურს", - განაცხადა მელანი ვერვეერმა.
აღსანიშნავია, რომ საია-ს აინტერესებდა ნორმალური პროცესია თუ არა როცა ქვეყნის ეკონომიკურ განვითარებას, გარკვეულწილად, დემოკრატიული ღირებულებები და კანონის უზენაესობა ეწირება, რაც საქართველოს მაგალითზე ხდება.
შეგახსენებთ, რომ ამერიკის სახელმწიფო მდივანმა ჰილარი კლინტონმა მსოფლიოს 20 ქვეყნის სამოქალაქო საზოგადოების წარმომადგენელთა მიერ დასმულ შეკითხვებს სახელმწიფო დეპარტამენტის ბენჯამინ ფრანკლინის დარბაზიდან უპასუხა.
ვიდეოკონფერენცია (Webcast), რომლის ინიციატორიც ამერიკის შეერთებული შტატების მთავრობა იყო, თბილისის დროით 19 00 საათზე დაიწყო და ორ საათს გაგრძელდა. მასში საქართველოში მოღვაწე 30-მდე ორგანიზაციამ მიიღო მონაწილეობა.
