ლეგენდარული ბრენდები „Lee'' და ‘'Wrangler" კომპანია „თრეიდლაინ"-თან პარტნიორობით ქართველ მომხმარებელს სახელობით მაღაზიას 17 თებერვლიდან, ჭავჭავაძის 34-ში, სავაჭრო ცენტრ „პიქსელში" შესთავაზებს.
„თრეიდლაინ"-ის მენეჯმენტის განცხადებით, ახალი მაღაზია, რომელიც დღეს 19:00 საათზე გაიხსნება ბრენდების უახლესი კონცეფციითაა წარმოდგენილი და იგი ევროპის ქვეყნებში „Lee & Wrangler"-ის მაღაზიების ანალოგიას წარმოადგენს. მაღაზიის დიზაინი და ფურნიტურა მთლიანად ევროპის სათაო ოფისის მიერ არის მოწოდებული.
„Lee'' და ,,Wrangler''-ის ევროპული ოფისის ინიციატივით და ჩვენი კომპანიის ძალისხმევით შესაძლებელი გახდა თბილისში ამ ბრენდების ევროპული კონცეფციის მაღაზიის გახსნა, რომელიც ერთადერთია კავკასიის რეგიონში. ამ კონცეფციის მაღაზიები უკვე არსებობს ევროპულ დედაქალაქებში: ლონდონში, პარიზში, ბერლინში და, მოხარულები ვართ, რომ ახლა უკვე თბილისშიც. „თრეიდლაინს" „Lee'' და ,,Wrangler"-ის ევროპულ ოფისთან ნაყოფიერი თანამშრომლობა 2003 წლიდან აკავშირებს, რასაც ახალი მაღაზიის გახსნა კიდევ ერთხელ ადასტურებს, "-აცხადებს კომპანია ,,თრეიდლაინის'' მარკეტინგის დირექტორი ეთერ გვარაძე.
მენეჯმენტის ცნობით, საგანგებოდ ახალი მაღაზიის პრეზენტაციისათვის თბილისს „Lee'' და ,,Wrangler"-ის ევროპული ოფისის წარმომადგენლები, რეგიონალური მარკეტინგის დირექტორი მარჩელო შუ და აღმოსავლეთ ევროპის გაყიდვების დირექტორი ადამ ოგორეკი ეწვევიან.
„Lee & Wrangler"-ის მაღაზიის გახსნასთან ერთად ,,ჯინსის გალერეის'' მაღაზიათა ქსელში ახალი სეზონი იწყება. როგორც ახალ მაღაზიაში, ასევე მთელს ქსელში მომხმარებელს უკვე ექნება საშუალება შეიძინოს ახალი, 2011 წლის გაზაფხული-ზაფხულის სეზონის კოლექციის მოდელები - ტანსაცმელი, ფეხსაცმელი და აქსესუარები როგორც მამაკაცებისთვის, ასევე ქალბატონებისთვის. ლეგენდარული ამერიკული ბრენდების მდიდარი მემკვიდრეობა და ჯინსის უახლესი ტენდენციები საუკეთესო შენაძენის გაკეთების საშუალებას სწორედ ჩვენს მაღაზიებში მისცემს გემოვნებიან მომხმარებელს,"- აცხადებს ეთერ გვარაძე.
ქართული კომპანია „თრეიდლაინი" ბაზარზე 1992 წელიდან ოპერირებს და მსოფლიოში ცნობილი ჯინსის მწარმოებელი არაერთი ბრენდის პროდუქციის ექსკლუზიური დისტრიბუტორია საქართველოში. კომპანია ოპერირებას უწევს ,,ჯინსის გალერეის'' მაღაზიათა ქსელს, რომელიც საქართველოს მასშტაბით კიდევ ერთი მონობრენდული და 8 მულტიბრენდული მაღაზიითაა წარმოდგენილი.