პატრიარქის ლოცვა-კურთხევით მიმდინარე აქციას _ "დარგე ხე, გაამწვანე გარემო" _ დღეს გორშიც შეუერთდნენ. შიდა ქართლის სამხარეო ადმინისტრაციის, გორის მუნიციპალიტეტის გამგეობისა და შსს-ის შიდა ქართლის სამხარეო მთავარი სამმართველოს თანამშროლმებმა რეგიონის ჟურნალისტებთან ერთად გორში გამწვანების აქცია მოაწყვეს. აქცია ჟურნალისტების ინიციატივით გაიმართა.
ადგილობრივი ხელისუფლების წარმომადგენლებმა და სამართალდამცავებმა გორში სამების ტაძრის მიმდებარე ტერიტორიაზე სხვადასხვა ჯიშის 300 ნერგი დარგეს.
"დიდი მადლობა პატრიარქს ამ მოწოდებისთვის, რადგან ამ მოკლე ხანში რამდენიმე ათასი ხე დაირგო მარტო ჩვენს რეგიონში. დღევანდელი ინიციატივა ჩვენი რეგიონის ჟურნალისტებს ეკუთვნის, რასაც სიამოვნებით შევუერთდით", _ განაცხადა შიდა ქაართლის გუბერნატორმა ლადო ვარძელაშვილმა
