გერმანიამ უკრაინის შეიარაღებულ ძალებს ორი Patriot-ის ტიპის საჰაერო თავდაცვის სისტემა და Iris-T ტიპის საჰაერო თავდაცვის სისტემის მეცხრე კომპლექსი გადასცა.
ამის შესახებ გერმანიის თავდაცვის მინისტრმა ბორის პისტორიუსმა უკრაინის თავდაცვის საკითხებზე საკონტაქტო ჯგუფის შეხვედრისას განაცხადა.
„ჩვენი ბოლო შეხვედრის შემდეგ, მნიშვნელოვნად გავაძლიერეთ უკრაინის საჰაერო თავდაცვა, კერძოდ, აგვისტოში დაპირებული ორი Patriot-ის სისტემის მიწოდების გზით, რაც შესაძლებელი გახდა ჩვენი ნორვეგიელი პარტნიორების წყალობით, ასევე მეცხრე Iris-T სისტემის მიწოდების გზით“, - განაცხადა პისტორიუსმა.
მისი თქმით, მომავალ წელს ბერლინი უკრაინის საჰაერო თავდაცვის გასაძლიერებლად AIM-9 Sidewinder-ის ტიპის რაკეტების „მნიშვნელოვან რაოდენობას“ გადასცემს.
მან ასევე აღნიშნა, რომ გერმანიამ უკრაინას დამატებით 200 მილიონი დოლარი გამოუყო აშშ-ის არსენალებიდან კრიტიკული იარაღისა და საბრძოლო მასალის შესაძენად ნატო-ს PURL-ის მექანიზმის მეშვეობით.
