უკრაინის პრეზიდენტმა ვოლოდიმირ ზელენსკიმ ერევანში დიდი ბრიტანეთის პრემიერ-მინისტრთან, კირ სტარმერთან შეხვედრისას, სხვა საკითხებთან ერთად, უკრაინაში ომის დასრულების მოლაპარაკებების პროცესი განიხილა.
ამის შესახებ ზელენსკი სოციალურ ქსელეი წერს.
„უკრაინაში ჩვენ ვაფასებთ დიდი ბრიტანეთის ყველა ნაბიჯს ჩვენი ხალხის მხარდასაჭერად და აგრესორის დასასუსტებლად, მათ შორის რუსეთის „ჩრდილოვანი ფლოტის“ წინააღმდეგ ბრძოლაში. ამის შესახებ დღეს კირთან ვისაუბრეთ. მნიშვნელოვანი ყურადღება დავუთმეთ უკრაინის თავდაცვით მხარდაჭერას, მათ შორის PURL პროგრამაში შეტანილ წვლილს.
უკრაინა მზად არის მოლაპარაკებების შემდეგი რაუნდისთვის სამმხრივ ფორმატში. სამართლიანი და ღირსეული მშვიდობის მისაღწევად მოლაპარაკებების პროცესი ასევე იყო ჩვენი განხილვის ერთ-ერთი თემა. ვაფასებთ დიდი ბრიტანეთის პოზიციას რუსეთის მიმართ ზეწოლის გაგრძელებაზე - ეს ნამდვილად მნიშვნელოვანია“მ - წერს ზწელენსკი.
მხარეებმა ასევე განიხილეს უკრაინის ენერგეტიკული სექტორის მხარდაჭერა.
„მე მივაწოდე ინფორმაცია ფრონტზე არსებულ ვითარებასა და რუსეთის დარტყმებზე უკრაინაში. მნიშვნელოვანია, რომ ევროპამ ძალისხმევის კოორდინაცია მოახდინოს და შეიმუშაოს ერთიანი საჰაერო თავდაცვის სისტემა რუსეთის მხრიდან მომდინარე საფრთხეებისგან დასაცავად“, - თქვაზელენსკიმ.
