უკრაინის პრეზიდენტმა ვოლოდიმირ ზელენსკიმ განაცხადა, რომ თავდაცვის ძალებმა ზამთარში ხელშესახებ შედეგებს მიაღწიეს და თავდაცვის ყველა ძირითადი მიმართულება შეინარჩუნეს.
ამის შესახებ ზელენსკი სოციალურ ქსელში საფრანგეთის პრეზიდენტ ემანუელ მაკრონთან საუბრის შემდეგ წერს.
„უკრაინელმა ჯარისკაცებმა ამ ზამთარში ხელშესახებ შედეგებს მიაღწიეს და თავდაცვის ყველა ძირითადი მიმართულება დაიკავეს.
მნიშვნელოვანია, რომ შესრულდეს ერთობლივი ევროპული შეთანხმებები უკრაინისთვის მომდევნო ორი წლის განმავლობაში 90 მილიარდი ევროს მხარდაჭერის შესახებ, ასევე რუსეთის წინააღმდეგ ახალი სანქციების პაკეტის შესახებ“, - განაცხადა ზელენსკიმ.
ზელენსკიმ მაკრონთან უკრაინაში არსებული ვითარება და თავდაცვის ძირითადი საჭიროებები განიხილა და მას გუშინდელი რუსეთის მასშტაბური დარტყმის შედეგები და ფრონტის ხაზზე განვითარებული მოვლენების შესახებ ინფორმაცია მიაწოდა.
„რა თქმა უნდა, ჩვენ ასევე განვიხილეთ ახლო აღმოსავლეთისა და სპარსეთის ყურის რეგიონი - ირანის გარშემო არსებული სიტუაცია და მისი პერსპექტივები. ემანუელმა მხარი დაუჭირა ჩვენს მუშაობას რეგიონში უსაფრთხოების გაზრდის მიზნით - უკრაინის დაცვა „შაჰედების“ ტერორისტებისგან მართლაც ყველაზე გამოცდილია და სწორედ უკრაინის გამოცდილება შეიძლება გახდეს განახლებული და უფრო ეფექტური კოლექტიური უსაფრთხოების ერთ-ერთი საფუძველი ყველა პარტნიორთან ერთად“, - აღნიშნა უკრაინის პრეზიდენტმა.
მან დასძინა, რომ უკრაინა და საფრანგეთი უახლოეს კვირებში ერთობლივი დიპლომატიური ფორმატებისთვის ემზადებიან.
