აშშ-ის პრეზიდენტმა დონალდ ტრამპმა განაცხადა, რომ უკრაინის პრეზიდენტს, ვოლოდიმირ ზელენსკის და რუსეთის პრეზიდენტ ვლადიმირ პუტინს ერთმანეთი ძალიან სძულთ. ამის მიუხედავად, იგი მიიჩნევს, რომ უკრაინაში მშვიდობის მიღწევა შესაძლებელია.
ამის შესახებ ტრამპმა გერმანიის კანცლერ ფრიდრიხ მერცთან შეხვედრის შემდეგ, ოვალურ კაბინეტში ჟურნალისტებთან საუბრისას განაცხადა.
ამერიკის ლიდერმა ხაზგასმით აღნიშნა, რომ რუსეთ-უკრაინის ომის დასრულება მისი პრიორიტეტების სიაში ერთ-ერთი მთავარი საკითხია.
როდესაც საქმე რუსეთსა და უკრაინას ეხება, რომელ ადგილზე არიან ისინი ჩემი პრიორიტეტების სიაში? ძალიან მაღალ ადგილზე“, - აღნიშნა ტრამპმა.
მან განაცხადა, რომ ომში ხან ზელენსკის ადანაშაულებს, ხან პუტინს.
მან თქვა, რომ მათ შორის დიდი სიძულვილია, მაგრამ მაინც იმედოვნებს, რომ მშვიდობა დამყარდება.
„ჩემს ცხოვრებაში ბევრი სიძულვილი მინახავს, მაგრამ ვფიქრობ, რომ ეს ერთგვარად უმაღლესი დონისაა... ხან ერთს ვადანაშაულებ, ხან მეორეს... ამის მიუხედავად, მე მჯერა უკრაინაში მშვიდობის მიღწევის“, - დასძინა ამერიკის პრეზიდენტმა.
