11 ოქტომბრის დილით, უკრაინიდან 1400 კილომეტრში, რუსეთის ბაშკირეთის რესპუბლიკის ქალაქ უფაში მდებარე ნავთობგადამამუშავებელ ქარხანაზე უკრაინის უსაფრთხოების სამსახურის სპეციალური ოპერაციების ცენტრ „A“-ს შორი მოქმედების დრონებმა იერიში მიიტანეს.
წყაროს ცნობით, აფეთქებების შემდეგ ნავთობგადამამუშავებელ ქარხანაში სახანძრო მანქანები მივიდნენ, ქარხნის თავზე კი კვამლის სვეტი აღიმართა. წინასწარი ინფორმაციით, აფეთქების შემდეგ ხანძარი ნედლი ნავთობის გადამამუშავებელ ობიექტთან ახლოს გაჩნდა.
წყარო აღნიშნავს, რომ ეს ბაშკირეთში ბოლო 30 დღის განმავლობაში განხორციელებული მესამე დარტყმაა. მისივე ცნობით, უფა რუსეთის შეიარაღებულ ძალებს საწვავით ამარაგებს.
