ღაზის სექტორში ცეცხლის შეწყვეტის შემდეგ, ათასობით პალესტინელმა ანკლავის სამხრეთ რაიონებიდან ჩრდილოეთით მდებარე სახლებში დაბრუნება დაიწყო.
ისრაელის არმიამ განაცხადა, რომ ეგვიპტის შუამავლობით მიღწეული ცეცხლის შეწყვეტის შეთანხმება პარასკევს, 10 ოქტომბერს, ადგილობრივი დროით 12:00 საათზე ამოქმედდა.
ამისთანავე, პალესტინელებმა, რომლებიც ადრე იძულებული იყვნენ დაეტოვებინათ სახლები და დაბომბვის გამო სამხრეთ ღაზაში გაქცეულიყვნენ, ქალაქ ღაზაი და რეგიონის სხვა ჩრდილოეთ რაიონებში დაბრუნება დაიწყეს.
მაცხოვრებლები გადაადგილბისთვის ალ-რაშიდის ქუჩას იყენებენ, რომელიც ღაზის სექტორის სამხრეთ და ცენტრალურ ნაწილებს მის ჩრდილოეთ ნაწილთან აკავშირებს.
დამკვირვებლები აღნიშნავენ იმ ადამიანების აქტიურ გადაადგილებას, რომლებიც ხანგრძლივი იძულებითი გადაადგილების შემდეგ საკუთარ სახლებში დაბრუნებას ცდილობენ.
ისრაელის არმიამ ოფიციალურად დაადასტურა, რომ ჯარების ნაწილობრივი გაყვანა წინასწარ განსაზღვრულ პოზიციებზე, რომლებიც „ყვითელი ხაზების“ სახელითაა მონიშნული, წარმატებით დასრულდა. ეს ცეცხლის შეწყვეტის შეთანხმებით გათვალისწინებული ვალდებულებების ნაწილია.
