2025 წლის 9 ოქტომბრის ღამეს, რუსეთის ფედერაციის ვოლგოგრადის ოლქის ქალაქ კოტოვოში, დრონები თავს დაესხნენ ლუკოილ-კორობკოვის გაზის გადამამუშავებელ ქარხანას.
თავდასხმის შედეგად საწარმოს ტერიტორიაზე ხანძარი გაჩნდა.
ვოლგოგრადის ოლქის გუბერნატორის, ანდრეი ბოჩაროვის თქმით, კოტოვის ტაიონში, „ჩამოვარდნილი უპილოტო საფრენი აპარატებიდან ნამსხვრევების ცვენის შედეგად, საწვავისა და ენერგეტიკული კომპლექსის ობიექტებში ხანძარი გაჩნდა“.
ადგილობრივი ტელეგრამ-არხები და თვითმხილველები იუწყებიან, რომ თავდასხმის სამიზნე ლუკოილ-კორობკოვის გაზის გადამამუშავებელ ქარხანა იყო.
NASA FIRMS-ის სტელიტური ფოტოები ადასტურებენ ქარხანაში ხანძრის გაჩენას.
მედიის ცნობით, კორობკოვის გაზის გადამამუშავებელი ქარხანა რუსეთის სამხრეთ ფედერალურ ოლქში უდიდესი ქარხანაა. მისი წარმოების სიმძლავრე წელიწადში 450 მილიონი კუბური მეტრი გაზის ნედლეულია.
კომპანიის პროდუქციის მნიშვნელოვანი ნაწილი, კერძოდ, თხევადი აირები და სტაბილური ბენზინი, ექსპორტისთვისაა განკუთვნილი.
