უწყვეტი პროტესტის 315-ე დღეს პარლამენტის წინ მოქალაქეები კვლავ შეიკრიბნენ და გადაკეტეს რუსთაველის გამზირი. მანამდე მოქალაქეები რუსთაველის ძეგლტან შეიკრიბნენ, საიდანაც მსვლელობით პარლამენტისკენ დაიძრნენ. მსვლელობას სათავეში "საზმაუს მარში" ედგა.
მსვლელობის დაწყებამდე მათ პროტესტის ახალი ფაზისა და მარშების არეალის გაზრდის შესახებ განცხადება გააკეთეს.
“გვჯერა, რომ ახლა, როდესაც ქვეყანაში ავტორიტარიზმი ყოველდღე ძლიერდება, მხოლოდ თანაგრძნობაზე დაფუძნებულ, პასუხისმგებლიან სახალხო წინააღმდეგობას შეუძლია, დაუპირისპირდეს რეჟიმს. ახლა, ისე როგორც არასდროს, აუცილებელია რეჟიმის ყველაზე დიდი იარაღისკენ, პროპაგანდისკენ კიდევ უფრო მეტი ძალისხმევის მიმართვა - სწორედ ამიტომ, ვგრძნობთ პასუხისმგებლობას, გავაფართოოთ და გავაძლიეროთ საზოგადოებრივი მაუწყებლის პროტესტი და პროპაგანდას ყველა შესაძლო რესურსით და ერთად დავუპირისპირდეთ”, - აღნიშნულია "საზმაუს მარშის" განცხადებაში.
ფოტო: რადიო თავისუფლება
