ამერიკელ რეპერ შონ კომბსს, რომელიც ცნობილია სახელით P.Diddy, პროსტიტუციის ბრალდებებთან დაკავშირებულ საქმეში ოთხი წლითა და ორი თვით თავისუფლების აღკვეთა მიესაჯა.

შესაბამისი განაჩენი პარასკევს, 3 ოქტომბერს, ნიუ-იორკში მოსამართლე არუნ სუბრამანიანმა გამოაცხადა.

პროკურორები რეპერისთვის 11 წელზე მეტი ვადით თავისუფლების აღკვეთას ითხოვდნენ. მისმა ადვოკატებმა მისი დაუყოვნებლივ გათავისუფლება მოითხოვდნენ.

2 ივლისს, აშშ-ში ნაფიც მსაჯულთა სასამართლომ რეპერი შონ კომბსი (Diddy) დამნაშავედ ცნეს ,ხოლოდ ერთ საქმეზე - პროსტიტუციის მიზნით ტრანსპორტირებაში, დანარჩენ საქმეებზე კი გაამართლეს.

რეპერს ხუთ ეპიზოდში ჰქონდა ბრალი წარდგენილი, 

ამერიკელი ჰიპ-ჰოპ შემსრულებელი, რეპერი, პროდიუსერი შონ კომბსი, ცნობილი როგორც Diddy, ტრეფიკინგსა და პროსტიტუციისთვის ხელის შეწყობის ბრალდებით გასული წლის სექტემბერში  დააკავეს.

პროკურატურის ცნობით, კომბსი ბრალდებულია რამდენიმედღიანი დახურული ღონისძიებების დროს დიდი ოდენობის ნარკოტიკის მოხმარებასა და ამ ღონისძიებებზე სექსტრეფიკინგში. გავრცელებული ინფორმაციით, ამ წვეულებებს ჰოლივუდის ცნობილი წარმომადგენლებიც ესწრებოდნენ.

კომბსი, რომელმაც მუსიკალური კარიერა 1990-იან წლებში დაიწყო, 2017 წელს ჟურნალ Forbes-ის ყველაზე მაღალანაზღაურებადი მუსიკოსების სიაში ლიდერობდა.

2022 წელს ჟურნალმა მისი ქონება 1 მილიარდ დოლარად შეაფასა, რითაც ის Jay-Z-ის შემდეგ მეორე უმდიდრესი ჰიპ-ჰოპ შემსრულებელი გახდა.