რუსული საბრძოლო თვითმფრინავების გამო, ესტონეთი ნატო-ს მე-4 მუხლის ამოქმედებას მოითხოვს. ამის შესახებ ესტონეთის პრემიერ-მინისტრი, კრისტენ მიჰალი სოციალურ ქსელში წერს.
ესტონეთის პრემიერ-მინისტრმა საჰაერო სივრცის დარღვევას „აბსოლუტურად მიუღებელი“ უწოდა.
„ესტონეთის მთავრობამ გადაწყვიტა, ნატო-სთან კონსულტაციები მოითხოვოს [ნატო-ს ხელშეკრულების] მე-4 მუხლის შესაბამისად“, - განაცხადა მიჰალმა.
შეგახსენებთ, ესტონეთის საგარეო საქმეთა სამინისტრომ გაავრცელა ინფორმაცია, რომლის თანახმად, 19 სექტემბერს, სამმა რუსულმა გამანადგურებელმა ესტონეთის საჰაერო სივრცე დაარღვია.
