გერმანული მედიის ცნობით, ჩრდილოეთ გერმანიაში ერთ-ერთი მაღაზიის მფლობელმა ვიტრინაზე ანტისემიტური წარწერა ჩამოკიდა.
ინციდენტი დანიის საზღვართაბ მდებარე ქალაქ ფლენსბურგში მოხდა.
მაღაზიის ვიტრინაზე გამოკიდული იყო შემდეგი წარწერა: „ებრაელების შესვლა აკრძალულია! არაფერი პირადული, არანაირი ანტისემიტიზმი, უბრალოდ ვერ გიტანთ“.
ადგილობრივ მედიაში გავრცელებული ცნობისა და მაცხოვრებლების მოთხოვნის შემდეგ, პოლიციის მითითებით, მაღაზიის მფლობელმა წარწერა ჩამოხსნა.
მაღაზიის მფლობელმა განაცხადა, რომ ის გამოხატავდა პირად პოზიციას ღაზის სექტორში მიმდინარე მოვლენებთან დაკავშირებით. მან უარყო ანტისემიტიზმთან დაკავშირებული ბრალდებები.
ფლენსბურგის პროკურატურამ მაღაზიის მფლობელის წინააღმდეგ სისხლის სამართლის გამოძიება დაიწყო სიძულვილის გაღვივების ბრალდებით.
მას ჯარიმა ან ხუთ წლამდე თავისუფლების აღკვეთა ემუქრება.
