PURL-ის (უკრაინის პრიორიტეტული მოთხოვნების სია) შეთანხმებით გათვალისწინებული პირველი ამერიკული სამხედრო ტექნიკა უკრაინაში ჩავიდა. ამის შესახებ უკრაინული მედია იუწყება. როგორც მედიას ნატო-ს წარმომადგენელმა განუცხადა, მალე კიდევ უფრო მეტი მიწოდებაა მოსალოდნელი.
ნატო-ს წარმომადგენლის თქმით, დახმარების მეტი პაკეტი „გზაშია“.
ამჟამად, PURL პროგრამის ფარგლებში ოთხი პაკეტი დაფინანსდა.
17 სექტემბერს დონალდ ტრამპის ადმინისტრაციამ დაადასტურა, რომ PURL-ის მექანიზმის ფარგლებში უკრაინა ნატო-ს მოკავშირეებისგან პირველ დახმარებას მიიღებდა.
ამასთან, უკრაინის პრეზიდენტმა, ვოლოდიმირ ზელენსკიმ ოთხშაბათს განაცხადა, რომ PURL-ის ორი პაკეტი Patriot-ისა და Himars-ის საჰაერო თავდაცვის სისტემებისთვის რაკეტებს მოიცავდა.
