უკრაინის პრეზიდენტმა ვოლოდიმირ ზელენსკიმ უკრაინელებს მიულოცა უკრაინის სახელმწიფო დროშის დღე, რომელიც ყოველწლიურად 23 აგვისტოს აღინიშნება და ტყვეობიდან დაბრუნებული უკრაინელებისთვის და ოკუპირებულ ტერიტორიებზე მცხოვრები მოქლაქეებისთვის მის მნიშვნელობაზე ისაუბრა.
„ეს დროშა ხსნაა იმ ხალხისთვის, რომელსაც რუსული ტყვეობიდან ვაბრუნებთ. როდესაც ისინი უკრაინის ფერებს ხედავენ, ხვდებიან: ბოროტება აღარ არის.
ეს დროშა უკრაინის დროებით ოკუპირებულ ტერიტორიებზე მცხოვრები ჩვენი მრავალი ადამიანისთვის მიზანი და ოცნებაა. და ისინი ამ დროშას აფასებენ, აფასებენ მას, რადგან იციან: ჩვენ ჩვენს მიწას ოკუპანტს არ მივცემთ“, - ამბობს ზელენსკი.
მან ასევე აღნიშნა, რომ ეროვნული დროშა სიმბოლურად გამოხატავს იმას, რაც ყველაზე ძვირფასია ასობით ათასი სამხედრო მოსამსახურისთვის, რომლებიც იცავენ მთელ ქვეყანას, სიოცხლის რისკის ფასად იბრძვიან მთელი სახელმწიფოს სიცოცხლის უფლებისთვის და განსაკუთრებული მადლიერება გამოხატა მათ მიმართ.
