აშშ-ის პრეზიდენტ დონალდ ტრამპისა და რუსეთის ლიდერ ვლადიმირ პუტინის სამიტამდე რამდენიმე საათით ადრე, ალასკის შტატის ქალაქ ანკორიჯში უკრაინის მხარდამჭერი მიტინგი გაიმართა.
მოვლენების ამსახველ ფოტო და ვიდეომასალას „ამერიკის ხმის“ ყოფილი ჟურნალისტი ოსტაპ აირიში სოციალურ ქსელში აქვეყნებს.
აქციის მონაწილეებს გამოტანილიჰქონდათ პლაკატები: „უკრაინა და ალასკა - რუსეთი აღარასდროს“ ("Ukraine and Alaska – Russian never again").
ასევე არის ბანერი, რომელიც ხალხს ახსენებს, რომ პუტინმა დაახლოებით 20 000 უკრაინელი ბავშვი გაიტაცა და რომ ტრამპს შეუძლია მათ სახლში დაბრუნებაში დაეხმაროს.
კიდევ ერთ პლაკატზე დატანილი იყო წარწერა, რომ უკრაინის მიერ პუტინისთვის დათმობა იგივე იქნება, რაც ჩეხოსლოვაკიის მიერ ჰიტლერისთვის „დათმობა“, რამაც მისი ოკუპაცია გამოიწვია.
აშშ-ის პრეზიდენტ დონალდ ტრამპსა და რუსეთის ლიდერ ვლადიმირ პუტინს შორის შეხვედრა 15 აგვისტოს 11:30 საათზეა დაგეგმილი (თბილისის დროით 23:30 საათზე). პუტინის თანაშემწემ იური უშაკოვმა განაცხადა, რომ კრემლის მეთაურთან ერთად აშშ-ში კიდევ ხუთი რუსი წარმომადგენელი გაფრინდება.
