მოლდოვის პრეზიდენტის, მაია სანდუს განცხადებით, „გერანის“ ტიპის რუსულმა დამრტყმელმა დრონმა, ქვეყნის საჰაერო სივრცე დაარღვია და საცხოვრებელ სახლებთან და ენერგეტიკულ ობიექტთან ახლოს ჩავარდა.
სანდუს თქმით, რუსეთის მიერ წარმოებული ომი მოლდოვის მოქალაქეებს კვლავ საფრთხეს უქმნის.
„რუსეთის ომი მოლდოვის მოქალაქეების სიცოცხლეს კვლავ საფრთხეში აგდებს. დღეს „გერანის“ ტიპის რუსულმა დამრტყმელმა დრონმა ჩვენი საჰაერო სივრცე დაარღვია და საცხოვრებელ სახლებთან და ენერგეტიკულ ობიექტთან ახლოს ჩამოვარდა.
ჩვენ ვგმობთ ამ მორიგ სახიფათო ქმედებას. საპასუხოდ, რუსეთის საელჩოს თანამშრომელი პერსონა ნონ გრატად გამოვაცხადეთ“, - წერს სანდუ.
