გერმანიის მთავრობამ უარყო აშშ-ის პრეზიდენტის, დონალდ ტრამპის განცხადება, რომ  პირველი Patriot-ის ტიპის საზენიტო-სარაკეტო სისტემები გერმანიიდან უკვე უკრაინაში მიემართება.

ამის შესახებ უკრაინული მედია გამოცემა SRF-ზე დაყრდნობით, წერს.

მედიის ცნობით, ქვეყნის თავდაცვის სამინისტროს პრესსპიკერმა განაცხადა, რომ გერმანიის მთავრობა ასეთი მიწოდების შესახებ ინფორმაციას არ ფლობს.

„ვერ დავადასტურებ, რომ ამჟამად  [Patriot-ის სისტემები] გერმანიიდან უკრაინისკენ მიემართება, ამის შესახებ არაფერი ვიცი“, - თქვა მან.

ამასთან, გერმანიის თავდაცვის სამინისტროს წარმომადგენელმა აღნიშნა, რომ ორშაბათს რამშტაინის შეხვედრა უკრაინის მხარდაჭერის საკითხზე გაიმართება.

შეხვედრის დროს განხილული იქნება Patriot-ის სისტემების უკრაინაში რაც შეიძლება სწრაფად მიწოდების გზებისა და საშუალებების ძიება.

შეგახსენებთ, დონალდ ტრამპმა განაცხადა, რომ Patriot-ის სისტემები გერმანიიდან უკრაინიაში უკვე გაგზავნილია და გზაშია.