საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი კაია კალასი მიესალმება აშშ-ის პრეზიდენტის, დონალდ ტრამპის მკაცრ პოზიციას რუსეთის მიმართ, მაგრამ 50-დღიან ულტიმატუმს ძალიან ხანგრძლივს უწოდებს.

კალასმა ხაზგასმით აღნიშნა, რომ ყოველდღიურად უდანაშაულო მშვიდობიანი მოქალაქეები იღუპებიან, რაც აუცილებლობას ქმნის უფრო სწრაფი ქმედებებისთვის.

„ძალიან პოზიტიურია ის, რომ პრეზიდენტი ტრამპი რუსეთთან დაკავშირებით მკაცრ პოზიციას იკავებს. მეორეს მხრივ, 50 დღე ძალიან დიდი დროა, როდესაც ვხედავთ, რომ ისინი ყოველდღიურად უდანაშაულო მშვიდობიან მოსახლეობას ხოცავენ“, - აღნიშნა კაია კალასმა.

შეგახსენებთ, აშშ-ის პრეზიდენტმა, დონალდ ტრამპმა განაცხადა, რომ „თუ რუსეთთან 50 დღის განმავლობაში შეთანხმებას ვერ მიაღწევს, მაშინ მოსკოვს 100%-მდე ტარიფებს დაუწესებს“.

„ჩვენ ძალიან მკაცრ ტარიფებს დავაწესებთ, თუ 50 დღეში შეთანხმებას ვერ მივაღწევთ, დაახლოებით 100%-იან ტარიფებს, მეორად ტარიფებს, თქვენ იცით, რას ნიშნავს ეს“, - განაცხადა დონალდ ტრამპმა.