რუსეთის ხელისუფლების განცხადებით, დრონებით მასშტაბური თავდასხმა განხორციელდა რუსეთის ფედერაციის სხვადასხვა რეგიონზე; აფეთქებების ხმა ისმოდა კურსკის ოლქში, ტულის ოლქის ქალაქ ტულაში და მოსკოვის მახლობლად დუბნაში, სადაც დრონების მწარმოებელი „კრონშტადტის“ ქარხანა მდებარეობს.
ტულის ოლქის გუბერნატორი დმიტრი მილაევი ირწმუნება, რომ დრონით თავდასხმის შედეგად ერთი ადამიანი დაიღუპა და ერთი დაშავდა.
რუსეთის თავდაცვის სამინისტროს მტკიცებით, გასულ ღამეს რუსეთის ათ რეგიონსა და ანექსირებულ ყირიმზე 155 უკრაინული დრონი ჩამოაგდეს.
მას შემდეგ, რაც რუსეთის თავდაცვის სამინისტრომ განაცხადა, რომ ღამით 155 უკრაინული დრონი ჩამოაგდეს, „როსავიაციამ“ „დროებითი შეზღუდვები“ გამოაცხადა, კერძოდ, სანქტ-პეტერბურგის პულკოვოს აეროპორტი დახურა.
