ევროკავშირის საგარეო საქმეთა ხელმძღვანელმა, კაია კალასმა, განაცხადა, რომ ჩინური კომპანიების მხარდაჭერა რუსეთის მიერ უკრაინის წინააღმდეგ ომისადმი სერიოზულ საფრთხეს უქმნის ევროპის უსაფრთხოებას.
ამის შესახებ კალასმა ჩინეთის საგარეო საქმეთა მინისტრ ვანგ ის ბრიუსელში, ევროკავშირსა და ჩინეთს შორის მე-13 სტრატეგიული დიალოგის ფარგლებში განუცხადა.
კალასმა ხაზი გაუსვა იმ სერიოზულ საფრთხეს, რომელსაც ჩინური კომპანიების მხარდაჭერა რუსეთის უკანონო ომის მიმართ ევროპის უსაფრთხოებისთვის ქმნის.
მან ჩინეთს მოუწოდა, დაუყოვნებლივ შეწყვიტოს რუსეთის სამხედრო-სამრეწველო კომპლექსის ყოველგვარი მატერიალური მხარდაჭერა.
გარდა ამისა, კალასმა მოუწოდა ჩინეთს, მხარი დაუჭიროს სრულ და უპირობო ცეცხლის შეწყვეტას და სამართლიან და მდგრად მშვიდობას უკრაინაში, რომელიც გაერთიანებული ერების ორგანიზაციის წესდების სრულ პატივისცემას დაეფუძნება.
