პაკისტანმა ახლო აღმოსავლეთში ვითარების ესკალაციის გამო ირანთან საზღვარი განუსაზღვრელი ვადით დახურა. ინფორმაციას ამის პაკისტანის მედია ავრცელებს.
„ირანთან საზღვრის დახურვის გადაწყვეტილება უსაფრთხოების მიზნით, ისრაელის თავდასხმებით გამოწვეული არასტაბილური ვითარების ფონზე იქნა მიღებული“, - ციტირებს მედია საშუალებები ანონიმურ ოფიციალურ პირებს.
ირანსა და პაკისტანს 905 კილომეტრიანი საზღვარი აკავშირებთ.
სასაზღვრო გამშვები პუნქტების დახურვა კვირას დაიწყო. თუმცა, ტაფტანის გამშვები პუნქტი (ჩაგაის რაიონი, ბელუჯისტანის პროვინცია) კვლავ ფუნქციონირებდა.
ამასთან, პაკისტანის სამოქალაქო ავიაციის წარმომადგენლის ინფორმაციით, რეგიონში მზარდი დაძაბულობის ფონზე ავიახაზებმა პაკისტანიდან ირანისა და ერაყის რამდენიმე ქალაქში მიმავალი რეისები გააუქმეს.
