ისრაელის თავდაცვის ძალებმა (IDF) განაცხადა, რომ ირანში ისლამური რევოლუციის გუშაგთა კორპუს ში შემავალ „ყუდსის“ ძალებს დარტყმები მიაყენეს.
„ისრაელის საჰაერო ძალებმა ისრაელის თავდაცვის ძალების დაზვერვის დირექტორატის ზუსტი ინსტრუქციების შესაბამისად, იერიში მიიტანეს ირანის რევოლუციის გუშაგთა კორპუსის „ყუდსის ძალებისა“ და ირანის სამხედროების კუთვნილ სამეთაურო ცენტრებზე“, - ნათქვამია არმიის მიერ გამოქვეყნებულ განცხადებაში.
ისრაელის თავდაცვის ძალების განცხადებით, ამ სამეთაურო ცენტრებში, სავარაუდოდ, „ყუდსის ძალების“ მაღალი რანგის პირებმა ხელი შეუწყეს „ისრაელის სახელმწიფოს წინააღმდეგ ტერორისტულ თავდასხმებს ახლო აღმოსავლეთში ირანის რეჟიმის მარიონეტების გამოყენებით“.
