უკრაინის თავდაცვის სამინისტროს მთავარი სადაზვერვო სამმართველოს აგენტებმა რუსეთის ქალაქ კალინინგრადში დივერსია მოაწყვეს. თავდასხმის შედეგად, რუსეთის სამხედრო-სამრეწველო კომპლექსისა და არმიის ობიექტებს ელექტროენერგია გაეთიშა. ამის შესახებ უკრაინული მედია წყაროებზე დაყრდნობით იუწყება.
წყაროების თანახმად, 14 ივნისს, დაახლოებით დილის 4:00 საათზე, თავდასხმა განხორციელდა ქალაქ კალინინგრადში მდებარე სამრეწველო ელექტროქვესადგურზე.
ამგვარად, ელექტროენერგიის მიწოდება მომხმარებლებს მთლიანად შეუწყდა, კერძოდ, ოპერაციის განხორციელების ტერიტორიაზე განლაგებული რუსეთის სამხედრო-სამრეწველო კომპლექსისა და რუსული არმიის ობიექტებს.
დივერსიის შედეგად რუსეთისთვის ზარალი თითქმის 5 მილიონ დოლარს შეადგენს.
წყაროები აღნიშნავენ, რომ მთავარი სადაზვერვო სამმართველოს აგენტებმა აგენტებმა ქვესადგურის ენერგეტიკული ტრანსფორმატორიდან გამაგრილებელი სითხე დაღვარეს და შემდეგ ობიექტს ცეცხლი წაუკიდეს.
ხანძარმა მნიშვნელოვანი ზიანი მიაყენა ობიექტს და გამოიწვია ელექტროენერგიის გათიშვა ახლომდებარე ობიექტებისთვის.
„კიდევ ერთხელ გავიმეორებთ, რომ რუსეთს აღარ ჰყავს ზურგი არც აღმოსავლეთში, არც დასავლეთში და არც პლანეტის ნებისმიერ წერტილში.ყველაფერი, რაც რუსეთი უკრაინის წინააღმდეგ ომში იქნება ჩართული, დაიწვება, ჩაიძირება და განადგურდება მისი დაცვის დონისა და ადგილმდებარეობის მიუხედავად“, - განუცხადა მედიას წყარომ.
