The Washington Post -ის ცნობით, აშშ-ის პრეზიდენტ დონალდ ტრამპის ადმინისტრაციამ, მთავრობების ინფორმირების გარეშე, შესაძლოა, გუანტანამოს სამხედრო ბაზაზე აშშ-ში არალეგალურად მყოფი ათასობით უცხოელის გადაყვანოს პროცესი დაიწყოს. ამის შესახებ გამოცემა წყაროებზე დაყრდნობით იუწყება.

„(გაგზავნისთვის) განხილული უცხო ქვეყნის მოქალაქეები სხვადასხვა ქვეყნიდან არიან.

მათ შორის არიან ასობით მეგობარი ევროპული ქვეყნებიდან, კერძოდ, გაერთიანებული სამეფოდან, იტალიიდან, საფრანგეთიდან, გერმანიიდან, ირლანდიიდან, ბელგიიდან, ნიდერლანდებიდან, ლიეტუვიდან, პოლონეთიდან, თურქეთიდან და უკრაინიდან, ასევე მსოფლიოს სხვა ნაწილებიდან, მათ შორის ბევრი ჰაიტიდან“, - თქვა წყარომ.

ანონიმურობის პირობით საუბრისას ოფიციალურმა პირებმა გაზეთს განუცხადეს, რომ ნაკლებად სავარაუდოა, რომ ტრამპის ადმინისტრაცია უცხოელთა სამშობლო ქვეყნების მთავრობებს გუანტანამოში გადაყვანის შესახებ აცნობებს, განსაკუთრებით აშშ-ის ახლო მოკავშირეებს, როგორიცაა დიდი ბრიტანეთი, გერმანია და საფრანგეთი.

მზადება მოიცავს 9000 ადამიანის სამედიცინო შემოწმებას, რათა დადგინდეს, საკმარისად ჯანმრთელები არიან თუ არა გუანტანამოში გასაგზავნად.

„სრულიად ნათელი არ არის, შეძლებენ თუ არა ეს დაწესებულებები 9000 ახალო დაკავებულის განთავსებას, რაც მიგრანტების რაოდენობის მნიშვნელოვან ზრდას წარმოადგენს იმ რამდენიმე ასეულ მიგრანტთან შედარებით, რომლებიც წელს ბაზაზე შევიდნენ და გავიდნენ“, - წერს გამოცემა.