რუსეთის პრეზიდენტი ვლადიმირ პუტინი გამოეხმაურა უკრაინის პრეზიდენტის ვოლოდიმირ ზელენსკის წინადადებას ორი ქვეყნის ლიდერების შეხვედრამდე ცეცხლის შეწყვეტის შესახებ და აღნიშნა, რომ კიევის რეჟიმი სამხედრო ოპერაციებში შესვენებას ბრიანსკის და კურსკის ოლქებში ორგანიზებული თავდასხმების მსგავსი ახალი ტერორისტული აქტების მოსამზადებლად იყენებს.
„რუსეთის დაშინების მცდელობით კიევის ხელმძღვანელობა ტერორისტული აქტების ორგანიზებაზე გადავიდა. და ამავდროულად საბრძოლო ქმედებების შეჩერებას ითხოვს 30 ან 60 დღით, შეხვედრას ითხოვს უმაღლეს დონეზე.როგორ შეგვიძლია ამ პირობებში ასეთი შეხვედრების ჩატარება? რაზე ვილაპარაკოთ? ვინ აწარმოებს მოლაპარაკებებს მათთან, ვინც ტერორზე, დებს ფსონებს, ტერორისტებთან? და რატომ უნდა „წახალისდნენ“ ისინი სამხედრო ოპერაციებში შესვენების მიცემით, რომლებიც გამოყენებული იქნება რეჟიმისთვის დასავლური იარაღის მიწოდებისთვის, იძულებითი მობილიზაციის გასაგრძელებლად და სხვა ტერორისტული აქტების მოსამზადებლად, მსგავსი ბრიანსკის და კურსკის ოლქებში განხორციელებული აქტებისა?“ - განაცხადა პუტინმა.
