აშშ-ის სენატმა რუსეთის წინააღმდეგ სანქციების შესახებ კანონპროექტზე მუშაობა, შესაძლოა, მიმდინარე თვეში დაიწყოს. ინფორმაციას Reuters ავრცელებს.
სენატორი ჯონ ტუნი დარწმუნებულია, რომ აშშ-ის პრეზიდენტ დონალდ ტრამპის ადმინისტრაცია ჯერ კიდევ იმედოვნებს უკრაინის კონფლიქტის დასრულების შესახებ შეთანხმების მიღწევას.
ამავდროულად, მან ხაზგასმით აღნიშნა, რომ სენატი მზადაა ნებისმიერ მომენტში მოახდინოს ზეწოლა რუსულ მხარესზე.
„ჩვენ ასევე მზად ვართ, პრეზიდენტ ტრამპს მივაწოდოთ ყველა ის ინსტრუმენტი, რაც მას სჭირდება იმისათვის, რომ რუსეთი მივიდეს მოლაპარაკების მაგიდასთან “, - განაცხადა ტუნმა.
ცნობისთვის, რუსეთის წინააღმდეგ სანქციების კანონპროექტის ავტორები სენატორი ლინდსი გრემი (რესპუბლიკური პარტია) და სენატორი რიჩარდ ბლუმენტალი (დემოკრატიული პარტია) არიან. კანონპროექტს 100-დან 82 სენატორი უჭერს მხარს.
კანონპროექტი იმ ქვეყნების წინააღმდეგ, რომლებიც რუსულ ნავთობს ყიდულობენ, 500%-იანი ტარიფების დაწესებას ითვალისწინებს.
