გერმანიის ჩრდილოეთით მდებარე ქალაქ ჰამბურგში, საავადმყოფოში გაჩენილ ხანძარს სულ მცირე სამი ადამიანი ემსხვერპლა. ინფორმაციას Deutsche Welle ავრცელებს.
ხანძარი ჰამბურგის ჰოენვაიდეს რაიონში, მარიენის საავადმყოფოს ერთ-ერთ შენობაში ღამით გაჩნდა.
ქალაქის სახანძრო სამსახურის წარმომადგენლის თქმით, შენობის ყველა სართული ძლიერი კვამლით იყო დაფარული.
მომხდარის შედეგად, სამი ადამიანი დაიღუპა და 50-ზე მეტი დაშავდა, მათგან 16-ის მდგომარეობა მძიმეა, კიდევ ერთისმდგომარეობა კი კრიტიკულად მძიმეა.
ხანძრის გამომწვევი მიზეზი, რომელიც შენობის პირველ სართულზე, საავადმყოფოს გერიატრიული მზრუნველობის განყოფილების ერთ-ერთ პალატაში გაჩნდა, ჯერჯერობით უცნობია.
ხანძრის ჩასაქრობად და საავადმყოფოდან ადამიანების ევაკუაციისთვის მაშველების დიდი ჯგუფი გამოიძახეს.
კვირა დილით
ადგილობრივი ხელისუფლების განცხადებით, ხანძარი გამთენიისას ჩააქრეს.
