გერმანიის კანცლერი ფრიდრიხ მერცი უკრაინაში ომის მალე დასრულებას არ ელოდება.
ამის შესახებ მან ფინეთის პრემიერ-მინისტრ პეტერი ორპოსთან შეხვედრის შემდეგ განაცხადა. იუწყება გამოცემა Die Zeit.
მერცმა აღნიშნა, რომ ომები, როგორც წესი, ერთი ან ორივე მხარის ეკონომიკური ან სამხედრო გამოფიტვით მთავრდება.
„ამ ომში, ცხადია, ჩვენ ჯერ კიდევ შორს ვართ ამისგან“, - შეაფასა გერმანიის კანცლერმა.
მან რუსეთი მოლაპარაკებების სურვილის არქონაში დაადანაშაულა.
მისი თქმით, თუ რუსეთის მთავრობა არ არის მზად ვატიკანის შუამავლობის მისაღებად, ეს იმაზე მიუთითებს, რომ რუსეთი არ არის დაინტერესებული ზავით ან სამშვიდობო შეთანხმებით.
შედეგად, „ჩვენ კიდევ უფრო უნდა გავაძლიეროთ ჩვენი ძალისხმევა იმის უზრუნველსაყოფად, რომ უკრაინას შეეძლოს საკუთარი თავის დაცვა“, - განაცხადა მერცმა. მან ასევე განაცხადა, რომ აუცილებელია რუსეთზე ზეწოლის გაზრდა.
„ჩვენ საფრთხის ქვეშ ვართ და თავს დავიცავთ“, - თქვა მერცმა.
