რადიკალები არც ნეპალელები არიან, არც უნგრელები და არც სერბები, ისინი არც ქართველები არიან. ეს არის ანტიქართული წარმონაქმნი. მათთვის ეროვნული ინტერესი მე-17 ხარისხოვანია და ხელოვნურადაც არ შეუძლიათ, ეს ყველაფერი გააკეთონ, – ამის შესახებ პარლამენტის თავმჯდომარემ, შალვა პაპუაშვილმა განაცხადა.
მას კითხვა დაუსვეს სერბეთში არჩევნებთან დაკავშირებით.
„ევროკავშირში გაწევრებასთან დაკავშირებით მათი პლატფორმაა, რომ რეფერენდუმი უნდა ჩატარდეს და კოსოვოს დამოუკიდებლობის აღიარება არასოდეს მოხდება, ის სერბეთის ნაწილია. რას ვხედავთ, აქეთ? ვხედავთ, ფსევდორელიგიური სექტა საქართველოს ეკლესიას თავს ესხმის და ამბობენ, ბრიუსელს ცალ ფეხზე უნდა დავუდგეთ, რასაც გვეტყვიან, ყველაფერი უნდა შევასრულოთო, ჩვენი ინტერესი კი არაფერ შუაშია. ფსევდორელიგიური სექტა იმასაც ამბობს, რომ აფხაზეთი და ცხინვალი ჩვენი ტრამვაა, რომელიც უნდა მოვიცილოთ. ამ ფსევდორელიგიურ სექტას საქართველოში არათუ გამარჯვების რაიმე შანსი აქვს, არამედ სერბეთშიც რომ ყოფილიყვნენ, იქაც დამარცხდებოდნენ, რადგან არ აქვთ ეროვნული ინტერესების და ეროვნული ღირებულებების გააზრება. ტყუილად ცდილობენ, რაღაც პარალელები მოძებნონ. ეს ყველაფერი ჩვენთან სცადეს. ჟურნალისტების რევოლუცია სცადეს, რომელიც ჩაეშალათ, არ გამოვიდა. „ენჯეოების“ რევოლუცია სცადეს, არ გამოუვიდათ. პარტიების რევოლუცია სცადედ, არ გამოუვიდათ. ბოლოს, ლამის, უცხო ქვეყნის პოლიტიკოსების და ელჩების რევოლუცია სცადეს და ესეც არ გამოუვუდათ. ეს ყველაფერი გამოვლილი აქვთ. საქმე მეთოდებში კი არ არის, შინაარსშია და რადიკალური ოპოზიცია დაცლილია ეროვნული შინაარსისგან. მათთვის ეს იმდენად უცხოა, რომ ხელოვნურადაც არ შეუძლიათ, თქვან, ქრისტიანული ღირებულებები საქართველოს იდენტობის მთავარი საფუძველია. ხელოვნურადაც კი არ შეუძლიათ თქვან, რომ ევროკავშირის ინტერესებზე წინ საქართველოს ინტერესები დგას, რასაც სერბეთში ამბობენ. ხელოვნურად არ შეუძლიათ, თქვან, რომ კომპრომისი არ იქნება საქართველოს ტერიტორიულ მთლიანობასთან დაკავშირებით და სომხეთის მაგალითებით აპელირებენ და აფხაზეთს და ცხინვალს ტრამვას უწოდებენ, რომელიც უნდა მოვიცილოთო. არ არსებობს არცერთი შესაძლო ოფცია და ვარიანტი, როდესაც ეს ანტიქართულმა, აგენტრულმა ძალამ შეიძლება, რაიმე წარმატებას მიაღწიოს. კლიშეები, რომელსაც თქვენ იყენებთ, პუტინისტური თუ პრორუსული, ყალბი ნარატივია, რომელსაც ბრუსელი ცდილობს, სხვადასხვა ქვეყანაში დაამკვიდროს“, – განაცხადა შალვა პაპუაშვილმა.
მისი თქმით, ძალა, რომელმაც სებეთში გაიმარჯვა, აქციებზე ხატებით გამოდიოდა.
"ძალა, რომელმაც სებეთში გაიმარჯვა, აქციებზე ხატებით გამოდიოდა. ჩვენთან ფსევდორელიგიური სექტა თავს ესხმის საქართველოს ეკლესიას, თავისი ალტერნატიული გურუები ჰყავთ და აქვთ რელიგია, ფსევდორელიგია, ალტერნატიული საფიცარები, რომელზეც ლოცულობენ და ფიცულობენ. ეს ძალა ამბობს, რომ სერბეთის ინტერესებია უპირატესი ევროკავშირის ინტერესებთან შედარებით და ევროკავშირის წევრობაზე საერთოდ ფიქრობენ, რომ რეფერენდუმია ჩასატარებელი. რა ხდება ჩვენთან ფსევდორელიგიური სექტის წარმომადგენლებში? ისინი ამბობენ, რომ ცალ ფეხზე უნდა დავუდგეთ ბრიუსელს, ბრიუსელის ინტერესია გადამწყვეტი და არა საქართველოს ინტერესი. ბრიუსელი თუ გვეტყვის, ახლა ეს ესკალაცია მოვახდინოთ რუსეთთან, დიახაც, უნდა მოვახდინოთ, იმიტომ, რომ ეს ბრიუსელის ინტერესშია“, – განაცხადა შალვა პაპუაშვილმა.
