პოლონეთის პრემიერ-მინისტრმა დონალდ ტუსკმა არ დაადასტურა ინფორმაცია, რომ აშშ-ის პრეზიდენტმა დონალდ ტრამპმა რუსეთის ლიდერთან სატელეფონო საუბრის შემდეგ ევროპელ ლიდერებთან საუბრისას განაცხადა, რომ ის მშვიდობას არ ეძებს, რადგან თავს გამარჯვებულად მიიჩნევს.
პრემიერ-მინისტრს ჰკითხეს იმ ინფორმაციის შესახებ, რომლის თანახმადაც დონალდ ტრამპმა ევროპელ ლიდერებს უთხრა, რომ „ვლადიმირ პუტინი არ არის მზად უკრაინაში ომის დასასრულებლად“.
ტუსკმა უპასუხა:
„მე ამ ინფორმაციას არ ვადასტურებ. მაგრამ ვადასტურებ, რომ სიტუაცია რთულია, რადგან რუსეთის მხრიდან არ ჩანს კეთილი ნების კვალიც კი, რაც შეიძლება სწრაფად შეწყვიტოს ცეცხლი და დაიწყოს გულწრფელი სამშვიდობო მოლაპარაკებები.
„როგორც პრეზიდენტმა ტრამპმა, ასევე ჩვენმა ევროპულმა „ოთხეულმა“ ჩამოაყალიბეს ძალიან მკაფიო პირობა: ცეცხლის შეწყვეტა ყოველგვარი პირობების გარეშე, ანუ მოლაპარაკებების დაწყებამდე, რათა ადამიანების მკვლელობები შეწყდეს“, - განაცხადა ტუსკმა.
შეგახსენებთ, The Wall Street Journal-ი წყაროებზე დაყრდნობით გაავრცელა ინფორმაცია, რომ აშშ-ის პრეზიდენტმა დონალდ ტრამპმა 19 მაისს ვლადიმირ პუტინთან სატელეფონო საუბრის შემდეგ ევროპელ ლიდერებს განუცხადა, რომ „რუსეთის პრეზიდენტი ვლადიმირ პუტინი მზად არ არის უკრაინაში ომის დასასრულებლად, რადგან თავს გამარჯვებულად მიიჩნევს“.
