აშშ-ის ელჩი უკრაინაში ბრიჯიტ ბრინკი თანამდებობიდან გადადგა პრეზიდენტ დონალდ ტრამპის ადმინისტრაციასთან მზარდი პოლიტური უთანხმოების ფონზე. ამის შესახებ Financial Times წყაროზე დაყრდნობით იუწყება.
გამოცემის ცნობით, ელჩზე ტრამპის ადმინისტრაციის მაღალჩინოსნების მზარდი ზეწოლა განხორციელდა, რომლებიც ეჭვქვეშ აყენებდნენ მის მზადყობას მხარი დაეჭირა თეთრი სახლის ახალ სტრატეგიისთვის უკრაინასთან დაკავშირებით.
"ელჩი ბრინკი თანამდებობას ტოვებს. ის იქ სამი წლის განმავლობაში იყო ელჩი, რაც საბრძოლო მოქმედებების ზონაში დიდი დროა", - განაცხადა სახელმწიფო დეპარტამენტის სპიკერმა, ტემი ბრიუსმა.
„დასავლელი დიპლომატები კიევში ბრინკს ახასიათებდნენ, როგორც უკრაინის მნიშვნელოვან დამცველს, როგორც საჯაროდ, ისე პირადად, 2022 წლის რუსეთის სრულმასშტაბიანი შეჭრის პირველივე კვირებიდან.
ერთმა-ერთმა დიპლომატმა მას უწოდა "ძლიერი პიროვნება" და "სერიოზული დიპლომატი" და დასძინა, რომ ტრამპის და ზელენსკის ადმინისტრაციების ზეწოლის გამო ის ძლიერ დაზარალდა.
ოფიციალური პირები მიუთითებენ მის განცხადებებში ბოლო დროს შესამჩნევ ცვლილებაზე, რომელიც, მათი თქმით, უფრო მეტად ემთხვეოდა ტრამპის პოზიციას და უფრო მეტად აკრიტიკებდა უკრაინას.
Financial Times-ის ანალიზმა ბრინკის პოსტების სოციალურ მედიაში აჩვენა მნიშვნელოვანი ცვლილებები მის რიტორიკაში ტრამპის ინაუგურაციის შემდეგ.
ტრამპის გაპრეზიდენტებამდე 75 დღის განმავლობაში მან 53 კრიტიკული კომენტარი გააკეთა რუსეთისა და უკრაინის ომის შესახებ, ხოლო მას შემდეგ 75 დღის განმავლობაში მან გამოაქვეყნა მხოლოდ ხუთი პოსტი, სადაც ახსენა რუსეთი და არც ერთ მათგანში რუსეთი აღარ დაუდანაშაულებია.
შეგახსენებთ, ინფორმაცია ელჩის მიერ თანამდებობის დატოვების შესახებ გუშინ გავრცელდა.
