აშშ-ის სახელმწიფო დეპარტამენტმა დღეს სტამბოლში გამართულ რუსულ-ამერიკულ მოლაპარაკებასთან დაკავშირებით ოფიციალური განცხადება გაავრცელა.
სახელმწიფო დეპარტამენტი წერს, მოლაპარაკებების მეორე რაუნდმა, 27 თებერვლის შეხვედრის მსგავსად, საკითხისადმი მხარეების კონსტრუქციული მიდგომა აჩვენა.
მოლაპარაკებებში რუსული დელეგაციის ხელმძღვანელი აშშ-ში რუსეთის ახლად დანიშნული ელჩი ალექსანდრ დარჩიევი, ხოლო ამერიკული მხარის წარმომადგენელი აშშ-ს სახელმწიფო მდივნის მოადგილე რუსეთისა და ცენტრალური ევროპის საკითხებში, სონატა კოლტერი იყო.
"ამერიკულმა და რუსულმა დელეგაციებმა მოსაზრებები გაცვალეს, რათა მიღწეულ იქნეს ურთიერთგაგება რუსეთისა და აშშ-ის ორმხრივი მისიებისთვის დიპლომატიური საბანკო საქმიანობის სტაბილურობის უზრუნველსაყოფად. აშშ-მა გაიმეორა შეშფოთება რუსეთის ფედერაციის პოლიტიკის შესახებ, რომელიც კრძალავს ადგილობრივი პერსონალის დასაქმებას, რაც არის მთავარი დაბრკოლება მოსკოვში აშშ-ის საელჩოში პერსონალის დაკომპლექტების სტაბილური და მდგრადი დონის შესანარჩუნებლად. მდივნის თანაშემწის მოადგილემ, კოულტერმა და ელჩმა დარჩიევმა განიხილეს უახლოეს პერიოდში ამ საკითხებზე შემდგომი შეხვედრის გამართვა, საჭიროებისამებრ, თარიღის, ადგილის და წარმომადგენელთა ვინაობას მომავალში განსაზღვრით“, – ნათქვამია განცხადებაში.
