დომინიკის რესპუბლიკაში ღამის კლუბის სახურავის ჩამონგრევის შედეგად დაღუპულთა რაოდენობა 184-მდე გაიზარდა, დაშავებულია 200-ზე მეტი ადამიანი. იუწყება Associated Press
სამაშველო სამუშაოები გრძელდება, თუმცა სამშაბათს ნაშუადღევის მდგომარეობით ცოცხალი ვეღარავინ იპოვეს.
შემთხვვა 8 აპრილს მოხდა. ადგილობრივი მედიის ცნობით, ქვეყნის დედაქალაქში, სანტო დომინგოში, პოპულარული Jet Set კლუბის სახურავი უეცრად ჩამოინგრა ცნობილი მომღერლის, რუბი პერესის გამოსვლის დროს. ადგილობრივი მედიის ცნობით, ტრაგედიას 69 წლის მომღერალიც ემსხვერპლა.
