„ნაციონალურის მოძრაობის“ ხელისუფლების საქმიანობის შემსწავლელი პარლამენტის დროებითი საგამოძიებო კომისია, კომისიაზე არგამოცხადების გამო, ნიკა გვარამიასთან, ზურაბ ჯაფარიძესა და გივი თარგამაძესთან დაკავშირებით პროკურატურას მიმართავს.
ამის შესახებ კომისიის სხდომაზე თეა წულუკიანმა განაცხადა.
შესაბამისი მოთხოვნა უწყებაში დღის განმავლობაში გაიგზავნება.
კომისიაზე გამოუცხადებლობის გამო პროკურატურამ მიმართვის საფუძველზე სისხლის სამართლის საქმის წარმოება დაიწყო "ძლიერი საქართველოს" ლიდერების - მამუკა ხაზარაძის და ბადრი ჯაფარიძის წინააღმდეგ. სასამართლომ ოპოზიციონერ ლიდერებს 50-50 ათას ლარიანი გირაო შეუფარდა.
დღეს ასევე პროკურატურის მოთხოვნის საფუძველზე 20 ათას ლარიანი გირაო შეეფარდა ირაკლი ოქრუაშვილსაც. თავდაცვის ყოფილ მინისტრს საზღვრის კვეთაც აეკრძალა.
ოქრუაშვილსაც გამოძიება კომისიაზე გამოუცხადებლობას ედავება. მის წინააღმდეგ საქმე სისხლის სამართლის კოდექსის 349-ე მუხლით არის აღძრული.
