ნუ იმალებით ერეკლეს პორტრეტის უკან! ერეკლე მტერს ებრძოდა – ქვეყანას იცავდა თქვენ კი მტერს ემსახურებით და მარტოს, დაუცველს ტოვებთ საქართველოს! - ასე მიმართავს "სტრატეგია აღმაშენებლის" ერთ-ერთი ლიდერი პაატა მანჯგალაძე “ქართულ ოცნებას”.
“ნუ იმალებით ერეკლეს პორტრეტის უკან! რა საერთო გაქვთ მასთან?! ერეკლე მტერს ებრძოდა – ქვეყანას იცავდა თქვენ კი მტერს ემსახურებით და მარტოს, დაუცველს ტოვებთ საქართველოს!
თქვენ ერეკლე კი არა – გეორგიევსკის ტრაქტატი გიყვართ…
და განსაკუთრებით ის, რაც ამ ტრაქტატს მოჰყვა:
• ქართლისა და კახეთის გაუქმება,
• მეფობის მოსპობა,
• ეკლესიის ავტოკეფალიის გაუქმება,
• პატრიარქის გადაყვანა რუსეთში, ტაძრების გადაღებვა,
• ქართული ენის განდევნა,
• ქვეყნის ოკუპაცია და დასჯა ყველა მცდელობისთვის, რომ თავი დაეღწია რუსულ უღელს!
სხვათაშორის, კომუნისტებიც ზარ-ზეიმით ზეიმობდნენ ამ ტრაქტატის წლისთავებს. რატომ? იმიტომ, რომ მათთვისაც ის იყო დამორჩილების, მონობის და საქართველოს რუსეთთან მარტოდ დატოვების სიმბოლო." - აცხადებს პაატა მანჯგალაძე.
