ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში კაია კალასი ეხმიანება რუსეთის ძლების თავდასხმას უკრაინის ქალაქ კრივი რიჰზე და აღნიშნავს, რომ რუსეთი არ არის დაინტერესებული მშვიდობით.
"ტრაგიკული და არაადამიანური ვრცელდება კრივი რიჰიდან. რუსეთის კიდევ ერთი უგუნური თავდასხმა ხალხმრავალ საცხოვრებელ უბანზე", - წსერს კალასი და აღნიშნავს, რომ „რუსეთი აგრძელებს უკრაინის განადგურებას და არ არის დაინტერესებული მშვიდობით“.
შეგახსენებთ, რუსეთმა კრივი რიჰზე დარტყმები 4 აპრილს, საღამოს მიიტანა. პირველ იერიშს, რომელიც მან ბალისტიკური რაკეტით საბავშვო მოედნის სიახლოვეს განახორციელა, 18 ადამიანი ემსხვერპლა, მათ შორის 9 ბავშვი. მეორე შეტევის შედეგად, რომლის დროსაც რუსმა ოკუპანტებმა დრონები გამოიყენეს, ერთი ადამიანი დაიღუპა. დარტყმების შედეგად დაშავებულია 60-ზე მეტი ადამიანი.
