კრივი რიჰზე რუსეთის ძალების დარტყმების შედეგად 19 ადამიანი დაიღუპა და 61 დაშავდა. 4 აპრილს საღამოს რუსეთმა ქალაქის წინააღმდეგ პირველი დარტმა ბალისტიკური რაკეტით განახორციელა. რომელსაც 18 ადამიანი ემსხვერპლა. იუწყება BBC
ქალაქის მერმა ოლექსანდრ ვილკულმა დაწერა, რომ რუსმა სამხედროებმა ბალისტიკური რაკეტით დაარტყეს საცხოვრებელი უბნის ცენტრს, საბავშვო მოედანთან.
მისი თქმით, რაკეტა ჰაერში აფეთქდა - სპეციალურად, რომ მეტი ადამიანი დაშავებულიყო.
ბოლო მონაცემებით, დაიღუპა 18 ადამიანი, მათ შორის ბავშვები.
დნიპროპეტროვსკის ოლქის სამხედრო ადმინისტრაციის ხელმძღვანელმა სერჰიი ლისაკმა განმარტა, რომ დაშავებულია 61 ადამიანი, მათ შორის 12 ბავშვი.
„სტაციონარში 40 მოქალაქეა, დანარჩენი ამბულატორიული მეთვალყურეობის ქვეშ იმყოფება“, - წერს ის. მისი თქმით, ყველაზე პატარა დაშავებული 3 თვისაა.
ასევე დაზიანდა რამდენიმე საცხოვრებელი კორპუსი.
შუაღამემდე ცოტა ხნით ადრე, კრივი რიჰის მერმა ახალი თავდასხმის შესახებ განაცხადა. რუსეთის ძალებმა ამჯერად ქალაქზე იერიში დრონებით მიიტანეს. ამ თავდასხმის შედეგად შვიდი ადამიანი დაშავდა, მოხუცი ქალი დაიღუპა. ოლექსანდრ ვილკულის ცნობით, ის დაიწვა სახლში, რომელსაც დრონი დაეჯახა.
დაღუპულთა საერთო რაოდენობა 19-მდე გაიზარდა
სერჰიი ლისაკმა დასძინა, რომ დრონის თავდასხმის შედეგად ხანძარი გაჩნდა ქალაქის კერძო სექტორში: ცეცხლმა მოიცვა სახლები და ინფრასტრუქტურა. მოგვიანებით მანვე გაავრცელა ინფორმაცია სამაშველო სამუშაოების დასრულების შესახებ.
