დანია უკრაინას სამხედრო დახმარების ახალ პაკეტს გადასცემს, რომლის ღირებულება დაახლოებით 1 მილიარდი დოლარია.
დანიის მთავრობამ გამართა კონსულტაციები საგარეო პოლიტიკის კომიტეტთან უკრაინის დახმარების 25-ე პაკეტზე, რომლის ღირებულებაა 6,7 მილიარდი დანიური კრონი (თითქმის 970 მილიონი დოლარი).
ახალი, 25-ე პაკეტი უკრაინის სამხედრო მხარდაჭერას 2025-2027 წლებში ითვალისწინებს და ფინანსდება უკრაინის ფონდის ხარჯზე.
პაკეტის ძირითადი ელემენტებია საჰაერო თავდაცვა, არტილერია და უკრაინის საჰაერო ძალების ფინანსური მხარდაჭერა.
"უსაფრთხოების ვითარება სწრაფად იცვლება. ამიტომ ძალიან მნიშვნელოვანია, რომ დანიამ გააგრძელოს უკრაინისადმი ფართო მხარდაჭერა... დახმარების 25-ე პაკეტით ჩვენ ხაზს ვუსვამთ უკრაინის მხარდაჭერას როგორც მოკლე, ასევე გრძელვადიან პერსპექტივაში", - თქვა დანიის თავდაცვის მინისტრმა ტროელს ლუნდ პოულსენმა.
