უნგრეთის პრემიერ-მინისტრის აპარატის უფროსმა გერგეი გუიაშმა განაცხადა, რომ ბუდაპეშტი ტოვებს სისხლის სამართლის საერთაშორისო სასამართლოს (ICC).
გუაიაშმა განაცხადა, რომ მთავრობა ხუთშაბათს, 3 აპრილს დაიწყებს გასვლის პროცედურას კონსტიტუციური და საერთაშორისო სამართლებრივი ჩარჩოს შესაბამისად.
უნგრეთის მთავრობამ გადაწყვეტილება პრემიერ-მინისტრ ვიქტორ ორბანსა და ისრაელის პრემიერ-მინისტრ ბენიამინ ნეთანიაჰუს შეხვედრის წინა დღეს გამოაცხადა, რომელიც ქვეყანაში ვიზიტით ახლახან ჩავიდა.
ნეთანიაჰუ უნგრეთში მიიწვია ვიქტორ ორბანმა 2024 წლის ნოემბერში, მას შემდეგ რაც საერთაშორისო სასამართლომ გამოსცა ისრაელის პრემიერ-მინისტრის დაპატიმრების საერთაშორისო ორდერი ღაზის სექტორში ომის დანაშაულის ბრალდებით.
უნგრეთის მთავრობამ მაშინ განაცხადა, რომ უგულებელყოფდა ჰააგის ორგანოს გადაწყვეტილებას, რომელსაც აბსურდული და სამარცხვინო უწოდა.
